रायपुर/ राजधानी
डोंगा चालक अउ हटकेश्वर मंदिर के महंत मन छत्तीसगढ़िया क्रान्ति सेना तीर गोहार पारीन
छत्तीसगढ़िया क्रान्ति सेना खारून नदिया के डोंगा चलाने वाला नाविक संघ अउ हटकेश्वर मंदिर समिति के साथ बैठक करके महादेव घाट ल परदेसिया मन ले कब्जा मुक्त करे बर आंदोलन के रणनीति बनइस ।
परदेसिया मन द्वारा घाट में पाटा लगाके कब्जा करे ले हमर धार्मिक करम कांड मरनी हरनी झालर आदि में व्यवधान होवत हे । घाट में कब्जा होये ले नाविक भाई मन के रोज़ी रोटी प्रभावित होवत हे । हटकेश्वर महादेव मंदिर समिति के कहना हे छत्तीसगढ़िया पुजारी मन के पारंपरिक पूजा पाठ में व्यवधान करत हे।
छत्तीसगढ़िया परंपरा के निर्वहन में बाधक तत्व मन ल उखाड़ के फेके बर छत्तीसगढ़िया क्रान्ति सेना जबर आंदोलन करही ।
बैठक में महादेव घाट नाविक संघ के नाविक मन , मंदिर के महंत अउ पुजारी मन , छत्तीसगढ़िया क्रान्ति सेना के सेनानी मन जुरीयाय रहीन । डी डी नगर थाना के पुलिस प्रशासन के उपस्थिति में घाट में बिना प्रशासनिक अनुमति के लगे कैमरा ल तुरते निकाले बर, घाट ले पाटा हटाए बर, अउ आन प्रदेश ले आए पंडा मन के मुसाहिरा जाँच करे बर साथ ही खारून आरती छत्तीसगढ़िया पुजारी मन ले करवाए बर बोले गे हे ।
छत्तीसगढ़िया डोंगा चालक मन अउ महादेव घाट मंदिर के पुजारी मन माँग नई माने जाही तब छत्तीसगढ़िया क्रान्ति सेना के अघुवाई में जबर आंदोलन करही ।